Søknad om utslepp av kommunalt avløpsvatn frå mindre tettbygd område –
kapittel 13 i forureiningsforskrifta
Søknadsskjemaet gjeld utslepp av kommunalt avløpsvatn frå anlegg over
50 pe, men mindre enn 2000 pe, til ferskvatn, mindre enn 2000 pe
til elvemunning eller mindre enn 10 000 pe til sjø.
Skjemaet gjeld ikkje påkopling til offentleg avløpsnett.
Dersom du ønskjer å søkje om utsleppsløyve for utslepp mindre enn
50 pe velg skjema: Utslepp – avløpsvatn mindre enn 50 pe frå hus og hytter.
Søknadsbehandling
Søknad med alle nødvendige opplysningar vil
bli behandla av kommunen. Søknad i samsvar med standardkrava i kapittel 13
blir behandla innan seks veker. Søknad om unntak frå standardkrava i
kapittel 13 blir behandla utan ugrunna opphald, men behandlinga kan ta
meir enn seks veker.
For prosjektering og utføring av
avløpsanlegget gjeld føresegnene i plan- og bygningslova § 20-1 om tiltak som omfattast av
byggesaksreglane, og 23-1 om ansvar i byggesaker.
Søkjaren må søkje om byggjeløyve etter plan- og bygningslova og kan først ta
til med å byggje anlegget når han har fått løyve frå kommunen.
Utfylling av søknad
Les «Rettleiing til søkjaren» før du begynner
å fylle ut søknaden